17, జులై 2010, శనివారం
ఆన్లైన్ సంగీతం షేరింగ్ కేసులో మలుపు
ఇంటర్నెట్లో సంగీతం (పాటల) షేరింగ్ కేసు మలుపు తిరిగింది. ప్రముఖ కంపెనీకి చెందిన 30 పాటలను ఆన్లైన్లో షేరింగ్ చేసిన బాస్టన్ యూనివర్శిటీ విద్యార్థికి విధించిన భారీ జరిమానా చెల్లించ కుండా ఫెడరల్ జడ్జి మినహాయింపు నిచ్చారు. లాభాపేక్షలేకుండా, ఏలాంటి ఆదాయంలేకుండా 30 పాటలను ఆన్లైన్లో షేరింగ్ ఇచ్చిన విషయాన్ని గమనించిన నేపధ్యంలో కేసు ప్రాథమిక విచారణలో కోర్టు విధించిన జరిమానాకు మినహాయింపు లభించింది. అయితే కాపీ రైట్ చట్టం కింద జరిగిన పొరపాటు క్షమించరానిదని అన్నారు. పీర్ - పీర్ నెట్వర్క్ ద్వారా షేరింగ్ చేస్తున్నవారికి కేసు విచారణ గుబులు పుట్టిస్తోంది. విద్యార్థులు ఆకతాయిగా ఇంటర్నెట్లో చేసిన పనిని కఠినంగా వ్యవహరించవద్దని చేస్తున్న నేపధ్యంలో కేసు మలుపులు తిరిగే అవకాశం ఉంది. పైరసీని నిరోధించే క్రమంలో ఆన్లైన్లో జరుగుతున్న అక్రమాలను ఎండగట్టే క్రమంలో కేసు విచారణ జరుగుతోంది. ఇది ఇలా ఉండగా ఇలాంటి కేసు గతంలో విచారణ జరిగిన సమయంలో 24 పాటలను షేరింగ్ చేసిన సమయంలో కూడా జడ్జి విధించిన జరిమానా చెల్లింపులో మినహాయింపు ఇచ్చారు. ఏది ఏమైనా ఆన్లైన్లో పీర్ - పీర్ నెట్వర్క్ ద్వారా సినిమాలు, సంగీతం, వీడియోలు, పుస్తకాలు, సాఫ్ట్వేర్స్ షేరింగ్ చేసుకోవడం సర్వసాధారణంగా జరుగుతోంది. ఇలా పీర్ టూ పీర్ నెట్వర్క్లో షేరింగ్ చేస్తున్న వారికి ఏ కేసు ఎప్పుడు ఎదురవుతుందో అనే భయం పట్టుకుంటోంది. ఇది ఒక వ్యవస్థలో సభ్యత్వం తీసుకున్నవారి మధ్యనే డేటా ఇచ్చిపుచ్చుకోవడం జరుగుతోంది. అలాంటప్పుడు వ్యవస్థ నిర్వహించే విధానాన్ని ఎందుకు తప్పుపట్టకూడదన్న వాదన కూడా బయలు దేరుతోంది. ఇదే చర్చకు వస్తే వివిధ సందర్భాలలో జరుగుతున్న ప్రతి అంశాన్ని తప్పు పట్టాల్సి వస్తుంది. అలాంటపప్పుడు పీర్ టూ పీర్ నెట్వర్క్ ద్వారా జరుగుతున్న ప్రయోజనాలు దెబ్బతింటాయి. కనుక ఈ విషయంలో తగు వెసులు బాటు చూపాలన్న వాదన కూడా వినపడుతోంది. ముఖ్యంగా విశ్వవిద్యాలయాలలో పుస్తకాలు, విజ్ఞాన సంబంధించిన అంశాలు లైబ్రరీద్వారా ఆన్లైన్లోని ఒకే గ్రూపు విద్యార్థుల మధ్య డేటా ఇచ్చిపుచ్చుకునే విధానానికి ఆంక్షల ఉచ్చు బిగుసుకున్నట్లే అన్న వాదన బయలు దేరుతోంది. విశ్వవిద్యాలయాలు, కళాశాలలు డేటాషేరింగ్ విషయాన్ని పక్కనపెడితే ఆన్లైన్లో విలువైన సంగీతం పైరసీకి తావుఇవ్వడం తప్పేకనుక ఈ విషయంలో మినహాయింపులు ఉండకూడదన్న వాదన తమకు నష్టం జరిగిందన్న కంపెనీలు వాదిస్తున్నాయి.
దీనికి సబ్స్క్రయిబ్ చేయి:
కామెంట్లను పోస్ట్ చేయి (Atom)
కామెంట్లు లేవు:
కామెంట్ను పోస్ట్ చేయండి